Dende a Secretaría Xeral para o Deporte recordamos que se inicia un novo prazo para poder solicitar o recoñecemento de DEPORTISTA GALEGO DE ALTO NIVEL (DGAN) durante todo o vindeiro mes de xuño.
Os interesados en ser recoñecidos deberán presentar:
- Modelo de solicitude cuberto con tódolos datos do interesado/a, asinado na parte inferior esquerda polo deportista ou polo seu titor se é menor de idade.
- Unha vez cuberta dita solicitude, o presidente ou secretario da federación correspondente asina e sela dita solicitude.
- A federación expedirá unha certificación de posesión de licenza vixente dende polo menos o 1 de xaneiro do ano 2016.
- Os interesados presentarán fotocopia de DNI.
- Certificado do padrón de veciñanza administrativa.
As solicitudes poden presentarse en calquera edificio administrativo de cada unha das provincias galegas ou na Escola Galega de Administración Pública EGAP (Rúa Madrid 2-4, 2ª pranta. 15781-Santiago de Compostela).
Nos documentos adxuntos podedes descargar toda a información que necesitades para tramitar o procedemento.