A Selección Galega ofreceu un excelente rendemento no Torneo Luso Galaico saldado con un fenomenal resultado como preparación ao Campionato de España que se disputará do 14 ao 17 en A Coruña, que se estivo celebrando este fin de semana (2-3 de xuño) no Pavillón Castelao I de Ordes (A Coruña) organizado polo AC Órdenes e a Federación Galega de Patinaxe. Galicia gañaba dous partidos ante os combinados rexionais de Minho e Aveiro, ambos por 3-1 na primeira e terceira xornadas mentres que na segunda empataba con Porto a tres tantos. Ao ser un torneo amigable, non se establece clasificación final, polo que ao remate unicamente se entregan medallas conmemorativas de recordo a todos os participantes.
Ademais o sábado tiña lugar no Concello de Ordes unha recepción oficial na que se lle entregaba ao alcalde do municipio coruñés, José Luis Martínez Sanjurjo, unha camiseta da selección galega por parte de Julio Parga, vicepresidente da Federación Galega de Patinaxe nun acto no que tamén se contou coa representación de Ana del Río coma presidenta do AC Órdenes e de Ana Soneira como concelleira de deportes.
RESULTADOS – Torneo Luso Galaico
Pavillón Castelao I – Ordes
Sábado, 2 de xuño de 2018
Xornada 1
Selección Galega 3 – 1 Selección Minho
Selección Aveiro 6 – 2 Selección Porto
Xornada 2
Selección Aveiro 3 – 2 Selección Minho
Selección Galega 3 – 3 Selección Porto
Domingo, 3 de xuño de 2018
Xornada 3
Selección Porto 4 – 3 Selección Minho
Selección Galega 3 – 1 Selección Aveiro
#eupatino
