Pouco a pouco van rematando as fases regulares das diversas competicións de Hóckey sobre Patíns que proximamente disputarán as fases de sector e, aqueles equipos que logren clasificarse, os campionatos de España das súas correspondentes categorías. A pasada fin de semana concluía a Infantil logo de 22 xornadas e na que Club A. A. Dominicos “A” finalizaba na primera posición, polo que xogará a semifinal da Final a 4 o 13 de abril en Vite contra H. C. Raxoi “A”, que se clasificaba na cuarta praza. Entre ambos, C. H. Compostela “A” e Club Compañía de María “A” xogarán a outra semifinal como segundo e terceiro clasificados respectivamente, sendo o gañador da final o campión galego o vindeiro 14 de abril no pavillón de Vite de Santiago de Compostela (A Coruña).
#eupatino