«Recostada sobre o Atlántico, A Coruña espérache cos brazos abertos para mostrarche unha nova forma de coñecer Galicia. A cidade que viu nacer ao Hóckey Club Liceo, conta cunha variada oferta de lecer tanto en interior (museos, centros comerciais, fundacións…) como en exterior (xardíns, parques, praias…) e unha gastronomía perfecta para vivir intensamente a través dos seus restaurantes e zonas de tapeo.
Ao longo do paseo marítimo máis longo de Europa poderás coñecer as distintas caras do océano Atlántico, que inspiran diariamente aos habitantes da cidade, sempre aberta para acoller aos seus visitantes con propostas deportivas e culturais vibrantes. Se a isto lle sumamos unha cidade vella de beleza incomparable e un Patrimonio Mundial como a Torre de Hércules, teremos como resultado unha cidade da que é difícil non namorarse.»
#eurohockey2018 #OKEuroM #OKCoruna #OKEuro2018 #ACoruña #eupatino
