Os nove equipos inscritos da categoría Senior Masculina de Hóckey sobre Patíns entrarán no sorteo das eliminatorias de da Copa Federación, que se celebrará o martes 20 de marzo ás 20:00 horas na sede da Federación Galega de Patinaxe e que se disputarán a dous partidos de ida e volta así como as semifinais. A final será a partido único nunha sede que se designará próximamente.
A cada un dos conxuntos asignaráselle un número do 1 ao 9, tendo que xogar ós que lle toque o 8 e o 9 unha fase previa, tamén a dous partidos, da cal o gañador pasará aos cuartos de final que disputará contra o equipo número 1.
Datas previstas
Eliminatoria previa: 14-15 e 21-22 de abril. (Equipo 8-Equipo 9).
Cuartos de final: 5-6 e 12-13 de maio. [Equipo 1-Gañador Equipo 8-Equipo 9, Equipo 4-Equipo 5 (os vencedores xogan unha semifinal); Equipo 2-Equipo 7, Equipo 3-Equipo 6 (os gañadores disputan a outra semifinal)]
Semifinais: 19-20 e 26-27 de maio.
Final: 2-3 de xuño.
Os equipos inscritos son os seguintes: HC Borbolla “A”, HC Borbolla “B”, Club Compañía de María, CH Compostela, Club AA Dominicos, Escola Lubiáns, HC Liceo, HC Raxoi e Traviesas Hockey Club.
#eupatino