O pasado fin de semana celebrouse a 3.ª Convocatoria de Tecnificación Libre dirixida polos técnicos Mónica Delli e Leonardo Lienhard. En total, foron 31 os patinadores e patinadoras os que acudiron a sendas sesións desenvolvidas no pavillón do INEF de Bastiagueiro en Oleiros ao longo do sábado e tamén o domingo e na que houbo presenza de deportistas dos clubes CPA Maxia, CP Oleiros, CPA Brión e AD Liceo; así como no pavillón de Roteas de Coruxo en Vigo o domingo, na que estiveron representados os clubes CARPA-Viqueira, Coruxo CF, Covelo PA, CPA Gondomar, CPA Valladares, CPA Condado, CP Porriño e CP Compostela.
#eupatino
