O primeiro Campionato Interautonómico de España na modalidade de Street terá lugar o vindeiro 12 de xullo no Skatepark Ponte dos Brozos, en Arteixo.
Este evento, pioneiro a nivel nacional, reunirá ás seleccións autonómicas máis destacadas do país, consolidando un formato competitivo que busca fortalecer a presenza do skateboarding no ámbito federado e promocionar o talento de cada comunidade. Estarán presentes representantes de Madrid, Cataluña, País Vasco, Asturias, Cantabria, Comunidade Valenciana e Galicia, entre outras rexións.
O horario da competición é o seguinte:
De 10:00h. a 14:00h. Clasificatorias e semifinais.
De 16:00 h. a 18:00 h. Finais.
18:30 h. Entrega de premios.
19:00 h. Final do evento.
Os adestramentos terán lugar o venres 11 pola tarde:
De 16:00h. a 16:30h. Adestramentos Asturias
De 16:45h. a 17:15h. Adestramentos Euskadi
De 17:30h. a 18:00h. Adestramentos Madrid
De 18:15h. a 18:45h. Adestramentos Cataluña
De 19:00h. a 19:30h. Adestramentos Cantabria
De 19:45h. a 20:15h. Adestramentos Galicia
De 20:30h. a 21:00h. Libre
De 21:00h. a 21:30h. Adestramentos Valencia
A competición será emitida en directo pola canle de Youtube da FGP: https://youtube.com/@federaciongalegadepatinaxe525?si=XK8jJ67qFUlI9tfY
Para poder seguir a competición pódese acceder á seguinte ligazón:
https://liveheats.com/events/393276/spectate
Tras o éxito do Campionato Interautonómico de Park celebrado en Leioa (País Vasco) o pasado mes de maio, esta nova cita supón un paso máis no desenvolvemento estruturado do skate en España, dando protagonismo á modalidade Street, unha disciplina clave en competicións internacionais e olímpicas.
O evento contará coa presenza dos mellores riders do panorama nacional e será unha xornada festiva e de alto nivel deportivo, onde se porá de manifesto o crecemento de esta modalidade no marco do traballo federativo.