A pasada fin de semana realizouse a segunda Tecnificación da Modalidade Libre en Galicia. Nesta ocasión convocouse a 57 patinadores, 7 dos cales forman parte da listaxe de “Grupo de Pre-Selecciones 2024” que elabora o Comité Nacional de Patinaxe Artística.
Os patinadores e patinadoras foron divididos/as nun total de 7 grupos, 2 de eles denominados de “promoción” para achegar aos/as patinadores/as máis novos/as a esta dinámica de traballo.
Nesta ocasión, planificouse en dúas sedes para facilitar la loxística dos patinadores/as convocados/as: o sábado pola mañá e domingo todo o día realizouse no Pabillón de Elviña (A Coruña), mentres que o sábado pola tarde tivo lugar no Pabillón de O pino (Santiago).
A tecnificación foi planificada pola responsable do comité galego de Patinaxe Artística, Patricia Dopico e contou, de novo, co Técnico Internacional Oscar Molins e o xuíz internacional Mario Calzas. Deste modo, fíxose un correcto seguimento do traballo realizado no mes de xaneiro e que tivo sa súa continuidade con esta segunda tecnificación.
Todos os grupos puideron gozar de varias sesións nas que Oscar Molins foi corrixindo a técnica dos elementos da patinaxe libre, así como aspectos coreográficos que afectan á puntuación de compoñentes. O grupo de preseleccións nacionais, formado polos mellores patinadores galegos de libre tiveron, ademais, a revisión dos discos largos co xuíz internacional para identificar melloras nos mesmos desde un punto de vista regulamentario.
Por outra banda, exceptuando os grupos promocionáis, os/as patinadores/as de cada grupo intercalaron dentro do programa de tecnificación unha charla dunha hora de duración co xuíz internacional. Nesta acción didáctica explicáronselles unhas pequenas píldoras informativas sobre as puntuacións no apartado artístico desde o punto de vista do xuíz da competición.
Desde o Comité Autonómico aproveitamos para felicitar o traballo realizado polos Patinadores, patinadoras e técnicos para seguir medrando profesionalmente neste deporte e colocando a Galicia no panorama internacional con tan bos resultados.
