Tres sedes acolleron o pasado sábado 9 de novembro a II Fase de Niveis Libre de Patinaxe Artística, que contaron coa participación de 428 patinadores e patinadoras. Os clubes adscritos á zona de A Coruña Norte fixérono no pavillón municipal de Malpica de Bergantiños coa organización do C. P. Velúa mentres que os de A Coruña Sur acudiron ao polideportivo Sirves, en Artes-Ribeira, organizada polo C. P. Ribeira. Na primeira participaron 104 deportistas e na segunda delas 159, sendo a moitos os que conseguiron a calificación de “apto” para acceder ao seguinte nivel. Os clubes de Pontevedra e Ourense competiron no pavillón A Marisma de Redondela (Pontevedra), nunha competición que desta volta levou a cabo o C. P. A. Bolboreta con 165 participantes.
Os resultados completos xa están dispoñibles na páxina web de competicións de Patinaxe Artística http://www.artistico.fgpatinaxe.gal/
[Fotos: C. P. Conxuro, C. P. A. Brión, C. P. Oroso e C. P. A. Condado]
#eupatino
