O programa Xogade da Xunta de Galicia celebrou xa o pasado 1 de maio a súa competición de Patinaxe Artística na provincia de Lugo, concretamente no polideportivo municipal do concello de Bóveda organizada polo Club Campelas, pero será esta fin de semana cando se disputen as quendas correspondentes a Coruña e Pontevedra na modalidade de Grupos Show.
O sábado 15 coa organización do Club Patinaxe A Pobra farase a da Coruña no polideportivo municipal na Pobra do Caramiñal e na que durante toda a xornada competirán 48 grupos de Primaria e Secundaria. En Mos, organizado polo Club Escolas Deportivas de Mos, levarase a cabo a de Pontevedra con 10 grupos participando na mesma ao longo do domingo 16.
Os horarios e as ordes de saída poden ser consultados na páxina web de competicións da modalidade Patinaxe Artística.
#eupatino