Os dous equipos de Lugo, anfitrións na Primeira Sede da Liga Galega Masculina de Hóckey Liña, son os primeiros líderes tras gañar os partidos disputados este domingo 27 de outubro no pavillón Daniel Cordido Castro da cidade da Muralla. Cun encontro menos, Morcegos H. L. tamén gañou os dous que xogou nas dúas xornadas celebradas, pois os conxuntos lugueses adiaron cadanseu partido das xornadas 5 e 6, polo que contan con tres vitorias polas dúas dos ourensáns.
A Guarda H. L. e Brigantium Beta ocupan os seguintes postos na clasificación provisional, cun partido gañado e outro perdido mentres Brigantium, A. D. C. Alquimia Inline e Galicia Rollers aínda non sumaron ningún punto. A seguinte sede celebrarase o 15 de decembro.
[Fotos: A. D. C.. Alquimia Inline]
#eupatino