hockeyliñafem

Dic 08

Bo papel das seleccións autonómicas de hockey línea no Campionato de España

A expedición das Seleccións Galegas de Hockey Liña xa está de volta.

 

Despois participar durante esta ponte festiva no primeiro Campionato de España de Seleccións Autonómicas de Hockey Liña, as Seleccións Galegas Masculina e Feminina xa retornaron.

 

A valoración de está participación e moi boa, a Selección Masculina acadou o quinto posto e a Feminina o sexto, aínda que por riba dos datos meramente clasificatorios compre valorar a experiencia global de este torneo.

 

Os seleccionados e seleccionadas foron quen de ir de menos a máis nas distintas fases do Campionato e fixeron unha piña como equipo, empapáronse de Hockey durante unha intensa fin de semana na que a afluencia de público no pavillón bilbaíno de Zorrotza foi digna de mención a grada do pavillón quedou pequena e o público amosouse totalmente volcado en todos e cada un dos partidos.

 

No aspecto meramente deportivo cómpre destacar o excelente nivel visto sobre a pista do Metropolitano, xa que estes xogadores e xogadoras lonxe de parecer infantís parecían de categorías bastante superiores.

 

Finalmente, a grande vencedora do Campionato foi a Selección de Castela e León, que acadou o primeiro posto en ámbalas categorías tras derrotar á Comunidade de Madrid nas dúas finais.

 

hockeyliñafem

Selección femenina

hockeyliñamasc

Selección masculina

Oficinas y Sede Social
Praza de Agustín Díaz, nº 3
15008 - A Coruña
Redes Sociales
Página Web | www.fgpatinaxe.gal
Facebook y Twitter | FGPatinaxe
Datos de Contacto
Email General | secretaria@fgpatinaxe.gal
Tfno | 981 130 994 - Fax | 981 134 183
Copyrights © All Rights Reserved FEDERACIÓN GALEGA DE PATINAXE AVISO LEGAL