A competicións autonómicas de Patinaxe Artística dan por concluída a presente tempada este sábado, 16 de novembro, coa celebración da segunda quenda da Fase de Niveis, neste caso para os patinadores e patinadoras dos niveis 4 a 8 nunha competición na que se citarán máis de medio milleiro nos tres emprazamentos previstos.
No Pavillón Augusto César Lendoiro de Corcubión e organizado polo C. P. A. Costa da Morte estarán os participantes de A Coruña Norte con 150 inscritos. Os clubes de A Coruña Sur acudirán ao Pavillón A Cachada de Boiro coa organización do C. P. Boiro e a presenza de 164 participantes. A derradeira sede é no Pavillón Municipal de Salceda de Caselas, sendo este o único caso no que haberá competición o domingo 17 debido ao elevado número de inscricións recibidas dos clubes das provincias de Pontevedra e Ourense cun total de 208. A proba será organizada polas Escolas Deportivas Municipais de Salceda de Caselas e poderán ser vistas en directo nas seguintes ligazóns:
Sábado: https://youtu.be/hA6LgdaIxj0
Domingo: https://youtu.be/eF-PVkGJeMU
Os horarios detallados e as ordes de saída poden ser consultados en http://www.artistico.fgpatinaxe.gal/
#eupatino
