A primeira quenda da II Fase de Niveis Libre de Patinaxe Artística celebrarase este sábado 9 de novembro, sendo convocados na mesma os patinadores e patinadoras dos niveis 1 ao 3 e que se desenvolverá en tres emprazamentos diferentes con 433 inscritos. Na seguinte quenda, a disputar a fin do semana do 16 e 17 de novembro, serán os deportistas dos niveis 4 ao 8 os que compitan.
O C. P. A. Bolboreta de Redondela organiza no pavillón A Marisma da citada localidade da provincia de Pontevedra á correspondente aos clubes da mesma e de Ourense en horario de 9:30 a 20:45 coa presenza de 180 patinadores e patinadoras. No caso da Coruña, os clubes da zona norte disputarán a súa competición no pavillón de Malpica de Bergantiños organizada polo Club Patín Velúa de 10:30 horas a 18:30 e na que haberá 104 inscritos. Os da zona sur da Coruña competirán no polideportivo Sirves ubicado no centro recreativo de Artes en Ribeira, coa organización do C. P. Ribeira (10 a 20:20 horas) e con 149 participantes.
As ordes de saída e os horarios por categorías poden ser consultados en http://www.artistico.fgpatinaxe.gal/
#eupatino
