O C. P. A. Gondomar organiza o sábado 27 de xullo no pavillón do C.E.I.P. Souto-Donas o Campionato Galego de Patinaxe Artística na modalidade libre para as categorías Benxamín, Alevín e Infantil que contará coa presenza de 35 participantes. Pola mañá, desde as 10:00 horas, desenvolveranse os adestramentos de Infantil e Benxamín para dar paso unha hora máis tarde ao programa de disco curto de Infantil e Benxamín, co que rematará a xornada matinal.
A competición reanudarase ás 15:30 cos adestramentos de Alevín e a continuación os programas longos de Alevín e Infantil para rematar sobre as oito da tarde, momento no que se procederá á entrega de trofeos.
Os horarios e a orde de saída poden ser consultados na páxina web de competicións de Patinaxe Artística.
#eupatino