2019-04-27-RD-Cartel-LigaGalega-FaseFinal

Abr 28

Aprazada a final da Liga Galega de Roller Derby

Onte sábado 27 de abril tiña que ser un día de festa para a conclusión da primeira edición da Liga Galega de Roller Derby, que celebraba a súa fase final no pavillón de Oira en Ourense cos dous derradeiros partidos da competición.

O primero deles, que decidiría a terceira e cuarta prazas entre os equipos coruñeses de Irmandiñas e As Brigantias, tiña que suspenderse cando restaban doce minutos para a súa conclusión, logo da lesión dunha das xogadoras. Dado que as condicións da pista non eran as máis óptimas e ante o acontecido previamente e co obxectivo de previr outras incidencias que puideran xurdir, os árbitros optaban por suspender este encontro e aprazar a final, que estaba prevista para as 19:30 horas entre o conxunto local de Jabatas e o vigués de Sereas Bravas.

Agora haberá que buscar unha nova data e tamén outro pavillón no que disputar esta final, aínda que o obxectivo do Comité Galego de Roller Derby é que sexa de novo en Ourense.

#eupatino

Oficinas y Sede Social
Praza de Agustín Díaz, nº 3
15008 - A Coruña
Redes Sociales
Página Web | www.fgpatinaxe.gal
Facebook y Twitter | FGPatinaxe
Datos de Contacto
Email General | secretaria@fgpatinaxe.gal
Tfno | 981 130 994 - Fax | 981 134 183
Copyrights © All Rights Reserved FEDERACIÓN GALEGA DE PATINAXE AVISO LEGAL