As seleccións galegas masculina e feminina participaron a pasada fin de semana do 1 e 2 de xuño na oitava edición do Torneo Luso Galaico, que desta volta se disputou no polideportivo Elviña 2 da Coruña, no que a Federación Galega de Patinaxe exerceu de anfitrión. Como novidade con respecto aos Torneos de Natal, Reis e Carnaval, que se disputaron xa en Portugal coa presenza dos combinados masculinos rexionais de Hóckey sobre Patíns de Aveiro, Porto e Minho, neste tamén participaron as seleccións femininas de Galicia, Asturias, Porto e Aveiro.
Aínda que non ten carácter competitivo e non se establece clasificación final, Galicia gañaba os seus tres encontros na categoría masculina mentres que na feminina gañaban a Porto na primeira xornada, pero cedendo nas dúas seguintes ante Aveiro e Asturias.
Resultados – 8.º Torneo Luso Galaico
Sábado, 1 de xuño de 2019
Xornada 1
[Masculino] Galicia 9 – 0 A. P. Minho
[Masculino] A. P. Aveiro 5 – 0 A. P. Porto
[Feminino] Galicia 2 – 0 A. P. Porto
[Feminino] A. P. Aveiro 2 – 7 Asturias
Xornada 2
[Masculino] A. P. Minho 3 – 1 A. P. Porto
[Masculino] A. P. Aveiro 2 – 5 Galicia
[Feminino] A. P. Porto 3 – 5 Asturias
[Feminino] A. P. Aveiro 3 – 2 Galicia
Domingo, 2 de xuño de 2019
Xornada 3
[Masculino] A. P. Minho 0 – 5 A. P. Aveiro
[Masculino] Galicia 6 – 1 A. P. Porto
[Feminino] A. P. Aveiro 1 – 0 A. P. Porto
[Feminino] Galicia 1 – 2 Asturias
#eupatino