Unha nova competición da modalidade libre de Patinaxe Artística estrearase este sábado 29 de xuño. A primeira proba da Copa Federación, enfocada aos patinadores e patinadoras de Primeira Categoría, terá a súa posta en marcha no pavillón do Restollal de Santiago de Compostela (A Coruña), na que se contará con medio cento de participantes das categorías Alevín, Infantil, Cadete, Xuvenil e Júnior.
Organizada polo Club Patinaxe Compostela, a primeira hora da competición será para os adestramentos, de 9:00 a 10:00, celebrando a continuación o programa curto de Júnior, Xuvenil, Cadete e Infantil, pois a Alevín só realizará o programa longo de 13:15 a 14:15. Pola tarde, de 16:00 a 20:45 horas, restará a quenda dos longos para as categorías que desenvolveron o curto durante a mañá.
Os horarios por categorías e a orde de saída poden ser consultados na páxina web de competicións de Patinaxe Artística.
#eupatino